پاکستان کی ابھرتی ہوئی اداکارہ دنانیر مبین نے اپنی سالگرہ قریبی دوستوں  اور شوبز انڈسٹری کے ساتھی اداکاروں کے ساتھ منائی جس کی تصاویر اور ویڈیوز سوشل میڈیا پر وائرل ہو گئی ہیں۔

وائرل ویڈیوز میں دیکھا جاسکتا ہے کہ دنانیر نے اپنی سالگرہ کے لئے ہرے رنگ کے لباس کا انتخاب کیا۔

ایک ویڈیو میں دنانیر کو سالگرہ کا کیک کاٹتے ہوئے دیکھا جاسکتا ہے۔

 پاوری گرل کو باقی ویڈیوز میں میوزک سنتے اور گانا گاتے ہوئے بھی دیکھا جاسکتا ہے۔

دنانیر کی سالگرہ پر شوبز انڈسٹری کے نامور اداکاروں نے شرکت کی جن میں شہزاد شیخ، سائرہ یوسف، یمنٰی زیدی، یشما گِل اور دیگر شامل ہیں۔

واضح رہے کہ دنانیر حال ہی میں ایک ڈرامے میں اداکاری کے جوہردکھا رہی ہیں اور مداحوں کی جانب سے دنانیر کی اداکاری کو بہت پسند بھی کیا جا رہا ہے۔