پاکستان کی سینئر اداکارہ اور عاصم اظہر کی والدہ گُلِ رانا نے معروف ماڈل و اداکارہ میرب علی کے لئے سوشل میڈیا پر محبت بھرا پیغام جاری کیا ہے۔

اداکارہ میرب علی نے فوٹو اینڈ ویڈیو شئیرنگ ایپ انسٹاگرام پر اپنی نئی تصویر شیئر کی ہے۔

شئیر کی گئی تصویر میں دیکھا جاسکتا ہے کہ اداکارہ کالے لباس میں بے حد خوبصورت لگ رہی ہیں۔

میرب علی نے اس تصویر کو شیئر کرتے ہوئے لکھا کہ 2019 کی سردیوں میں لی گئی تصویر۔

میرب علی کی اس تصویر پر جہاں ان کے مداحوں نے ان کی تصویر کو پسند کیا وہی عاصم اظہر کی والدہ گُلِ رانا بھی پیچھے نہیں رہیں۔

میرب علی کی اس پوسٹ پر گل رانا نے کمنٹ کرتے ہوئے لکھا کہ میری بیٹی جو کہ میرے دل میں رہتی ہے۔

مداحوں کی جانب سے اِن دنوں فنکاراؤں کو ایسے ہی ایک دوسرے کے ساتھ رشتے میں بندھے رہنے کی دعائیں دی جا رہی ہیں۔

واضح رہے کہ میرب علی ماڈلنگ میں نام کمانے کے بعد اب اداکاری کے شعبے میں قدم رکھ چکی ہیں اداکارہ کی فین فالوونگ میں دن بہ دن اضافہ ہوتا جا رہا ہے۔