اسلام کی خاطر شوبز انڈسٹری کو خیرباد کہنے والی اداکارہ صنم چوہدری نے اپنے روحانی سفر کے حوالے سے بتایا ہے۔

صنم چوہدری نے اپنے سوشل میڈیا اکاؤنٹ پر ایک ویڈیو پوسٹ کی ہے جس میں انہوں نے اپنے روحانی سفر سے متعلق بتایا ہے۔

انہوں نے اس ویڈیو میں بتایا ہے کہ کیسے وہ اسلام کی طرف راغب ہوئیں اور اس راستے پر چل پڑیں۔

انہون نے بتایا کہ میں نے بطور اداکارہ بہت سی کامیابیاں حاصل کی، نام ملا، عزت ملی، بہت سے ایوارڈرز بھی حاصل کئے لیکن وہ سب حتمیٰ نہیں تھا۔

انہوں نے کہا کہ میں ہمیشہ سے ہی زندگی کی حقیقت کی تلاش میں تھی جس کے بعد میں نے شادی کی لیکن پھر بھی سکون نہیں تھا۔

صنم نے بتایا کہ شادی کے بعد بھی مجھے کام کی آفر دی گئی لیکن مجھے خوف تھا کہ شوبز انڈسٹری میں دوبارہ کام کرنے سے میں اپنے گھر سے ایک بار پھر دور ہوجاؤگی جسے حاصل کرنا میری خواہش تھی۔

انہوں نے کہا کہ اس بےسکونی کے حوالے سے میں نے اپنے ایک استاد نے بات کی اور ان کے مشورے سے قرآن پڑھنا شروع کیا اور اللہ کی جانب رجوع کیا۔

صنم نے بتایا کہ قرآن کو سمجھنے اور اسے پڑھنے سے یہ احساس ہوا کہ میں ہمیشہ سے ہی غلط تھی جس کے بعد میں نے شوبز کی دنیا سے دوری اختیار کرلی۔

انہوں نے بتایا کہ شروعات میں حجاب کرنا میرے لئے بہت مشکل تھا لیکن اب یہ سب بہت آسان ہے کیونکہ اب میں جو کرتی ہوں وہ اپنے رب کے لئے کرتی ہوں۔