بچپن کا پیار گانے سے شہرت حاصل کرنے والا دس سالہ ننھا بھارتی گلوکار سہدیو دردو سڑک حادثے کا شکار ہوگیا۔

بھارتی میڈیا کے مطابق یہ حادثہ ریاست چھتیس گڑھ کے ضلع سکما میں پیش آیا ہے جب وہ اپنے دوست کے ساتھ موٹر سائیکل پر سوار تھے۔

 سہدیو نے ہیلمٹ نہیں پہنا تھا جس کے وجہ سے اس کے سر پر چوٹیں لگیں ہیں جبکہ ساتھی معمولی زخمی ہوا ہے۔

تاہم ننھے گلوکار کو فوری طور پر ضلعی اسپتال پہنچایا گیا جہاں ابتدائی طبی امداد کے بعد اسے جگدلپور میڈیکل کالج اسپتال ریفر کردیا گیا۔

اس حادثے کی خبر ملتے ہی ضلعی کلیکٹر اسپتال پہنچے اور سہدیو کی خیریت دریافت کی۔

واضح رہے کہ چھتیس گڑھ کے وزیر اعلیٰ نے ہدایت کی ہے کہ سہدیو کو علاج کی بہترین سہولیات فراہم کی جائیں۔