پاکستان کے معروف اداکار محب مرزا دوبارہ شادی کرنے کے خواہشمند ہیں۔

اداکار نے حال ہی میں ایک ویب شو میں بطور مہمان شرکت کی۔

شو کے دوران محب مرزا نے اپنے کیرئر اور مستقبل کے منصوبوں کے حوالے سے گفتگو کرتے ہوئے بتایا کہ میں چار سال سے اکیلا ہوں لہذا اب جلد شادی کا ارادہ بن جائے گا۔

اداکار نے کہا کہ ان کا مسلسل کسی کے ساتھ افیئر ہے لیکن انہوں نے کسی کا نام نہیں لیا ۔

انہوں نے گزشتہ کچھ عرصے سے صنم سعید سے شادی کی افواہوں کو مسترد کرتے ہوئے کہا کہ سب خود ہی افواہیں اُڑاتے ہیں لیکن کوئی مجھ سے خود نہیں پوچھتا۔

انہوں نے جعلی خبریں پھیلانے والوں کو پیغام دیتے ہوئے کہا کہ آپ جو کررہے ہیں کریں لیکن  براہِ کرم مجھ سے بھی پوچھ لیا کریں۔

یاد رہے کہ محب مرزا اور آمنہ شیخ نے 2005 میں شادی کی تھی اور شادی کے 10 برس بعد اگست 2015 میں اُن کے ہاں پہلی بیٹی کی پیدائش ہوئی تھی۔

اس جوڑے نے 2017 میں ایک دوسرے سے راہیں جدا کی تھیں جبکہ اکتوبر 2019 میں محب مرزا نے آمنہ شیخ سے علیحدگی کی تصدیق کی تھی ۔