پاکستان کی معروف اداکارہ سائرہ یوسف اپنے سابق شوہر اداکار شہروز سبزواری کے ساتھ رومانٹک گانے میں نظر آئیں گی۔

حال ہی میں اداکارہ نے ایک ٹاک شو میں بطور مہمان شرکت کی۔

 شو کے دوران انہوں نے بتایا کہ اُن کے سابق شوہر اداکار شہروز سبزواری کے ساتھ بننے والی فلم کا تقریباً کام مکمل ہو چکا ہے، صرف ایک گانے کی عکس بندی رہتی ہے۔

سائرہ یوسف نے کہا کہ اس گانے کی عکس بندی کیوں تاخیر کا شکار ہے وہ نہیں جانتیں لیکن وہ گانا ایک رومانٹک سانگ ہوگا۔

https://www.bolnews.com/urdu/wp-content/uploads/2021/12/268049402_717724815870942_1287420082233827642_n.mp4?_=2

سائرہ یوسف نے بتایا کہ یہ فلم 2022ء میں ریلیز ہوگی جو کہ ہلکی پھلکی رومانٹک مزاج کی ہوگی۔

واضح رہے کہ سائرہ اور شہروز میں علیحدگی کو کافی عرصہ بیت گیا ہے مگر اب تک سائرہ کی جانب سے اپنے سوشل میڈیا اکاؤنٹ پر اپنے یوزر نیم سے شہروز سبزواری کا نام نہیں ہٹایا گیا ہے۔

دوسری جانب شہروز سبزواری نے گزشتہ سال کورونا وائرس لاک ڈاؤن کے دوران اداکارہ و ماڈل صدف کنول سے شادی کرلی تھی۔