بالی ووڈ کے دبنگ سلمان خان کی اپنی سالگرہ کے موقع پر اداکارہ جینیلیا ڈیسوزا کے ہمراہ ڈانس ویڈیو سوشل میڈیا پر وائرل ہوگئی ہے۔

اداکارہ نے فوٹو اینڈ ویڈیو شیئرنگ ایپ انسٹا گرام پر سالگرہ کی تقریب کا ایک ویڈیو کلپ شیئر کیا ہے۔

جینیلیا ڈیسوزا نے لکھا کہ آج بھائی کا جنم دن ہے۔

انہوں نے اس ویڈیو کو شئیر کرتے ہوئے لکھا کہ بڑے دل والے آدمی کو سالگرہ مبارک ہو، اللہ آپ کو ڈھیروں خوشیاں اور صحت سے نوازے، ہم آپ سے پیار کرتے ہیں۔

اداکارہ کی جانب سے شئیر کی گئی ویڈیو میں سلمان خان اور جینیلیا ڈیسوزا کو ڈانس کرتے ہوئے دیکھا جاسکتا ہے۔

سلمان خان کی سالگرہ پر جینیلیا ڈیسوزا نے اپنے شوہر اداکار رتیش دیش مکھ کے ساتھ شرکت کی تھی۔

گزشتہ روز سلمان خان نے اپنی 56ویں سالگرہ پنویل فارم ہاؤس میں فیملی اور دوستوں کے ساتھ منائی تھی۔