سابقہ اداکارہ عفت عمر نے واضح انداز اور صاف الفاظ میں شوبز میں موجود نئی اور پرانی نسل کے فرق کو بیان کیا ہے۔

عفت عمر کا ایک بیان کافی وائرل ہورہا ہے جس میں انہوں نے بتایا ہے کہ شوبز انڈسٹری میں نئی اور پرانی نسل کے درمیان معاوضے میں امتیازی سلوک ہوتا ہے۔

اپنے بیان میں انہوں نے کہا ہے کہ آج کے سپر اور مین لیڈز کے اسٹار کو بھاری معاوضہ ادا کیا جاتا ہے اور بس یہی فرق ہے جو ہمیں ان سے مختلف کرتا ہے۔

ان کا کہنا تھا کہ میں نے بھی ایک زمانے میں مین لیڈز کے کردار ادا کئے ہیں اور بخوبی کئے ہیں لیکن آج عمر کی وجہ سے دوسرے کردار کرتی ہوں لیکن ہم میں اور نئی نسل میں امتیازی سلوک معاوضے کی صورت میں کیا جاتا ہے۔

انہوں نے بتایا کہ معاوضے کے علاوہ نئی اور پرانی نسل میں کوئی فرق نہیں ہے کیونکہ مجھے بھی ایک اداکار کے طور پر وہی سب سہولیات کی ضرورت ہوتی ہے جو ایک مین لیڈ کو دی جاتی ہیں۔

عفت عمر کا کہنا تھا کہ آج صرف مین لیڈز کو عزت دی جاتی ہے اور ہمیں ایک کلرک سمجھا جاتا ہے اور یہ کوئی چھوٹی بات نہیں ہے بلکہ یہ غلط بات ہے۔