سوشل میڈیا اسٹار اور  اداکار ارسلان نصیر نے کہا ہے کہ فیشن شو میں ماڈلنگ کرنے والے اداکار کو ’شو اسٹوپر‘ کہنا درست نہیں ہے۔

ارسلان نصیر نے اپنے سوشل اکاؤنٹ پر ایک پوسٹ جاری کی ہے جس میں انہوں نے پاکستان کی ماڈلنگ انڈسٹری میں موجود ٹیلنٹ کی بات کی ہے۔

ارسلان نصیر نے اپنے پوسٹ میں کہا ہے کہ فیشن شو میں اداکار کو بطور شو اسٹوپر پیش کرنا مناسب نہیں ہےبلکہ انہیں ’گیسٹ‘ کے طور پر پیش کیا جاسکتا ہے۔

ارسلان نے اپنے خیالات کا اظہار کرتے ہوئے کہا ہے کہ پاکستان کی ماڈلنگ انڈسٹری میں ٹیلنٹ کی کوئی کمی نہیں ہے جسے صحیح معنوں میں پہچاننے کی بہت ضرورت ہے۔

اداکار نے کہا کہ ماڈلنگ کر کے مزہ آیا ہے اور چاہوں گا کہ دوبارہ بھی ایسا کروں لیکن امید کرنا ہوں کہ اگلی مرتبہ ہمیں ’گیسٹ‘ کے طور پر بلایا جائیگا۔

ارسلان کی اس بات سے دیگر شخصیات نے بھی اتفاق کیا ہے جس میں اداکارہ سجل علی اور ہارون شاہد کا نام شامل ہے۔