پاکستان شوبز انڈسٹری کی معروف اداکارہ ماہم عامر اور اداکار فیضان شیخ  کے ہاں بیٹی کی پیدائش ہوئی ہے۔

فیضان شیخ نے فوٹو اینڈ ویڈیو شئیرنگ ایپ انسٹاگرام پر اپنی بیٹی کی ایک خوبصورت تصویر شئیر کی ہے۔

انہوں نے اس خوشی کے موقع پر اللّہ تعالیٰ کا شُکر ادا کرتے ہوئے لکھا کہ الحمد اللہ، اللہ نے مجھے بیٹی سے نوازہ ہے۔

اداکار نے لکھا کہ مجھے اور ماہم کو اپنی دعاؤں میں ضرور یاد رکھیئے گا۔

دوسری جانب اداکارہ ماہم عامر نے بھی اپنی انسٹا اسٹوری پر یہ تصویر شئیر کرتے ہوئے اپنے مداحوں کو یہ خوشخبری دی ہے۔

اس تصویر پر دونوں اداکاروں کے مداحوں کی جانب سے ان کی بیٹی کو دعائیں دی جارہی ہیں۔

 اس سے قبل اداکار و میزبان فیضان شیخ نے اپنے مداحوں کے ساتھ کچھ تصاویر شیئر کی تھی ۔

انسٹاگرام پر شئیر کی جانے والی پوسٹ کے کیپشن میں اداکار نے لکھا تھا کہ ہم نے ہمیشہ اپنے کام، کامیابیوں، مسائل اور تقریباً ہر چیز کو اپنے خاندان، دوستوں اور مداحوں کے ساتھ شیئر کیا ہے اور اس پر تبادلہ خیال کیا ہے۔

فیضان شیخ نے بتایا تھا کہ یہاں ہمیں یہ اعلان کرتے ہوئے بہت خوشی ہو رہی ہے کہ ہم بہت جلد اپنی خوشی کے ساتھ مل جائیں گے یعنی ہماری فیملی بڑی ہونے والی ہے۔

انہوں نے کہا تھا کہ خوشخبری دینے سے خوشی میں اضافہ ہوتا ہے اور ہمیشہ کی طرح، ہم آپ کی غیر مشروط محبت، تعاون اور سب سے زیادہ آپ کی قیمتی اور ان گنت دعاؤں کے خواہاں ہیں جو ہمارے آنے والے خاندان کے نئے رکن کے لئے ہیں۔

اداکار فیضان شیخ نے بتایا تھا کہ ہمارا ننھا مہمان بہت جلد آنے والا ہے۔