بالی ووڈ ادکارہ کترینہ کیف اور اداکار وکی کوشل کی شادی کی تصاویر اور ویڈیوز لیک ہوگئیں۔ 

بھارتی میڈیا میں گزشتہ 2 ہفتوں سے اداکارہ کترینہ کیف کی اداکار وکی کوشل سے شادی کی خبریں زیر گردش ہیں ، ابتدا میں ان خبروں کو محض افواہ قرار دیا گیا تاہم آج کترینہ کیف نے وکی کوشل سے شادی کرکے سوشل میڈیا پر چلنے والی تمام خبروں کو درست ثابت کردیا۔

اداکار کترینہ کیف اور وکی کوشل کی شادی کی تقریب بھارتی ریاست راجھستان کے ضلع سوائی مادھوپور میں واقع ’’سکس سینس فورٹ بروارا‘‘ میں ہوئی جس میں قریبی رشتہ داروں ، دوستوں سمیت بالی ووڈ کی معروف شخصیات نے شرکت کی۔ اس موقع پر سیکیورٹی کے سخت ترین انتظامات کیے گئے تھے۔

سوشل میڈیا پر کترینہ کیف کی وکی کوشل سے شادی کی تصاویر اور ویڈیوز وائرل ہورہی ہیں۔  عروسی جوڑے میں اداکارہ کترینہ انتہائی خوبصورت دکھائی دے رہی ہیں اور انہوں نے لال رنگ کا لہنگا پہن رکھا ہے جب کہ اداکار وکی کوشل کی کریم کلر کی شیروانی زیب تن کی ہوئی ہے۔

اس کے علاوہ کترینہ کیف کی شادی کی ویڈیوز بھی سوشل میڈیا پر وائرل ہورہی ہیں جس میں دلہا اور دلہن کو مختلف رسومات ادا کرتے ہوئے دیکھا جاسکتا ہے تاہم ویڈیوز میں واضح طور پر کچھ بھی دکھائی نہیں دے رہا البتہ تصاویر میں دونوں بہت واضح طور پر دکھائی دے رہے ہیں۔

اس سے قبل یہ خبر بھی سامنے آئی تھی کہ کترینہ کیف نے سلمان خان اور کرینہ کپور کی فیملی کو شادی پر مدعو نہیں کیا۔