پاکستانی شوبز انڈسٹری کے 2 چمکتے ہوئے نام اداکارہ صنم سعید اور اداکار محب مرزا کی شادی کی افواہیں گردش کرنے لگی ہیں۔

حال ہی میں ایک کروز پارٹی کے دوران دونوں کی ساتھ میں سامنے آنے والی تصاویر کافی تیزی سے وائرل ہورہی ہیں۔

ان تصاویر کو دیکھ کر سوشل میڈیا صارفین کا اندازہ ہے کہ یہ دونوں ستارے عنقریب اپنی شادی کے حوالے سے بڑا اعلان کرنے والے ہیں۔

اس سے پہلے بھی سال 2021 کے آغاز میں ان دونوں کی شادی اور قربتوں کے حوالے سے افواہیں سننے میں آئیں تھیں لیکن اس بار کہا یہ جارہا ہے کہ دونوں شادی کرچکے ہیں اور اب صرف اعلان کرنا باقی رہ گیا ہے۔

خیال رہے کہ یہ تصاویر اداکار فواد خان کی سالگرہ کی پارٹی کے دوران لی گئیں ہیں جہاں ان دونوں کے علاوہ بھی کئی شوبز ستاروں نے شرکت کی تھی۔