بھارت کی نامور کامیڈین بھارتی سنگھ کے ہاں پہلے بچے کی پیدائش متوقع ہے جس کا اعلان سوشل میڈیا کی ایک پوسٹ کے ذریعے کیا گیا ہے۔

بھارتی سنگھ نے اپنے انسٹاگرام پر ایک پوسٹ جاری کی ہے جس میں ایک ویڈیو کا لنک موجود ہے۔

یہ لنک بھارتی سنگھ کے یوٹیوب چینل کا ہے جس کا نام’LOL Life Of Limbachiyaa’s’ہے اور اس میں اپنے متوقع بچے کی پیدائش کے حوالے سے بتایا ہے۔

ویڈیو میں دیکھا جاسکتا ہے کہ بھارتی اور ان کے شوہر ہرش کہتے ہیں کہ ہم ماں باپ بننے والے ہیں اور آپ سب پریشان ہونے والے ہیں۔

انہوں نے بتایا کہ کیسے دونوں گزشتہ 6 ماہ سے اس خوشخبری کا انتظار کر رہے تھے اور آج یہ دن آگیا ہے۔

بھارتی سنگھ اور ہرش نے اپنا یہ قیمتی لمحہ اپنے مداحوں اور  چاہنے والوں کے ساتھ بھرپور انداز میں ایک ویڈیو کی طرز پر شیئر کیا ہے۔