بھارت کے نامور ہدایتکار کرن جوہر نے اپنے نئے ریئلیٹی ٹیلنٹ شو ہنرباز کا ٹیزر شیئر کردیا ہے۔

کرن جوہر کی جانب سے فوٹو اینڈ ویڈیو ایپ انسٹا گرام پر نئے ریئلیٹی ٹیلنٹ شو کا ٹیزر شیئر کرتے ہوئے لکھا کہ انہیں ٹیلنٹ ہنٹ یا ٹیلنٹ ریئلٹی شوز کا بطور جج حصّہ بننا بہت پسند ہے کیونکہ انہیں اس سیٹ پر بیٹھ کر اپنے ملک کے ہر کونے میں موجود ٹیلنٹ دیکھنے کو ملتا ہے۔

انہوں نے لکھا کہ وہ دوبارہ اپنی نشست سنبھالنے کے لئے تیار ہیں اور انہیں لگتا ہے کہ یہ نیا شو مختلف اور زیادہ خاص ہوگا۔

شئیر کی گئی ویڈیو میں کرن جوہر شو کی ریکارڈنگ کے لئے اپنے بال بنواتے اور میک اپ کرواتے ہوئے نظر آرہے ہیں۔

کرن جوہر نے اپنی پوسٹ میں بتایا کہ ان کا یہ نیا ریئلیٹی ٹیلنٹ شو بہت جلد ٹی وی اسکرینز کی رونق بننے والا ہے۔