بالی وڈ کے دبنگ اداکار سلمان خان نے اپنے نیلے پتھر والے بریسلیٹ کے متعلق اہم انکشاف کیا ہے۔

میڈیا رپورٹس کے مطابق اداکار سلمان خان کو کبھی بھی ان کے نیلے پتھر والے بریسلیٹ کے بغیر نہیں دیکھا گیا ہے اور نا ہی اداکار اسے کبھی اٹارنے کی کوشش کرتے ہیں۔

اس بریسلیٹ کے حوالے سے سلمان خان نے بتایا ہے کہ فیروزہ پتھر والا یہ بریسلیٹ انہیں ان کے والد صاحب نے اس وقت دیا تھا جب انہوں نے اپنے کیریئر کا آغاز کیا تھا۔

سلمان خان کا کہنا تھا کہ ان کے والد صاحب اس طرح کا بریسلیٹ پہنتے تھے جو ان کے ہاتھ میں بہت اچھا لگتا تھا اور اس سے اکثر کھیلتے بھی تھے۔

انہوں نے بتایا کہ اس وقت سے اب تک یہ میرے ساتھ ہے اور میں کبھی اسے خود سے دور نہیں کرتا ہوں اور اسی پتھر کی وجہ سے میں بہت سی مصیبتوں اور حادثات سے بھی بچا ہوں۔

انہوں نے مزید بتایا کہ جب بھی ان پر کوئی بڑی مشکل یا پریشانی آتی ہے تو یہ پتھر ٹوٹ جاتا ہے ۔

خیال رہے کہ حال ہی میں اپنی سالگرہ کے موقع پر اداکار کو ایک سانپ نے ڈس لیا تھا جس کی وجہ سے انہیں اسپتال منتقل کرنا  پڑا تھا ۔