بالی ووڈ کی معروف جوڑی ملائکہ اروڑا اور ارجن کپور نے اپنی راہیں جُدا کرلیں۔

بھارتی میڈیا رپورٹس کے مطابق ملائکہ اروڑا چھ دن سے زیادہ ہوگیا اپنے گھر سے باہر نہیں نکلیں ،وہ مکمل طور پر تنہائی میں چلی گئی ہیں اور انہوں نے دنیا سے دور رہنے کا فیصلہ کیا ہے۔

ذرائع کے مطابق ارجن کپور بھی ان دنوں میں ایک بار بھی اداکارہ سے ملنے نہیں گئے۔

 ارجن کو تین دن پہلے بہن ریا کپور کے گھر ڈنر کے لئے دیکھا گیا تھا جبکہ ریا کا گھر ملائکہ کے گھر کے بالکل قریب ہے اور اس کے باوجود اُنہوں نے رات کے کھانے کے بعد ان سے ملاقات نہیں کی۔

بھارتی میڈیا کا کہنا ہے کہ ملائکہ عموماً ارجن کپور کے ساتھ ان کے فیملی ڈنر میں شرکت کرتی ہیں لیکن اس بار وہ ان کے ساتھ نظر نہیں آئیں، یہ واضح طور پر اشارہ کرتا ہے کہ اس جوڑی کے درمیان کچھ بھی ٹھیک نہیں ہے۔

واضح رہے کہ اب تک ملائکہ اروڑا اور ارجن کپور کی جانب سے اس خبر کی تصدیق نہیں کی گئی۔

بالی ووڈ اداکارہ و ماڈل ملائکہ اروڑا نے سال 1998ء میں اداکار و فلم ساز ارباز خان سے شادی کی تھی، دونوں کے ہاں 2002 میں بیٹے ارہان خان کی پیدائش ہوئی تھی، 19 سال شادی رہنے کے بعد ان کی طلاق 2017ء میں ہوئی تھی۔

بعد ازاں ملائکہ اروڑا نے بالی ووڈ کے نوجوان اداکار ارجن کپور کے ساتھ قریبی تعلقات قائم کیے، دونوں اداکاروں کی جانب سے کئی بار کہا گیا کہ وہ بہت جلد شادی کرلیں گے۔