پاکستانی فلموں کے معروف اداکار معمر رانا نے بیٹیوں سے متعلق خوبصورت پیغام شئیر کیا ہے۔

معمر رانا نے فوٹو اینڈ ویڈیو شئیرنگ ایپ انسٹاگرام پر بیٹی رانیا کے ہمراہ ایک تصویر شئیر کی ہے۔

شئیر کی گئی تصویر میں انہوں نے اپنی چھوٹی بیٹی رانیا کو سالگرہ کی مبارک باد دیتے ہوئے کہا کہ آپ ہمیشہ اچھی اور خوشیوں سے بھرپور زندگی گزاریں۔

انہوں نے کہا کہ بیٹیاں اپنے ساتھ رحمت، خوشیاں اور برکتیں لے کر آتی ہیں۔

اداکار نے کہا کہ میں وہ خوش قسمت باپ ہوں جس کی آپ جیسی بیٹی ہے، زندگی میں اہم کردار ادا کرنے پر میں آپ کا بہت ہی شکر گزار ہوں۔

واضح رہے کہ معمر رانا کی بڑی بیٹی ریا رانا کی منگنی کی تقریب گزشتہ دنوں لاہور میں ہوئی تھی، جس میں فلمی دنیا کے بڑے ناموں نے شرکت کر کے تقریب کو چار چاند لگادیے تھے۔