بھارت کے نامور گلوکار سونو نگم کو سویلین ایوارڈ پدما شری سے نواز دیا گیا ۔

بھارتی حکومت کی جانب سے یوم جمہوریہ بھارت کے موقع پر 107 افراد کو ملک کا چوتھا بڑا سویلین ایوارڈ ’پدما شری‘ دینے کا اعلان کیا ہے جس میں نامور گلوکار سونو نگم اور حال ہی میں بھارت کے لیے گولڈ میڈل حاصل کرنے والے نیرج چوپڑا بھی شامل ہیں۔

گلوکار سونو نگم کسی تعارف کے محتاج نہیں وہ بالی ووڈ کو درجنوں ہٹ گانے دے چکے ہیں اور ان کے ہٹ گانے دیگر زبانوں میں بھی موجود ہیں ، اس کے علاوہ وہ بھارت کے سب سے مقبول ترین سنکنگ شو ’انڈین آئیڈل‘ سمیت مختلف پروگرامز میں جج کے فرائض بھی انجام دے چکے ہیں۔

خیال رہے گلوکار سونو نگم کو نیشنل ایوارڈ سمیت درجنوں دیگر ایوارڈ سے نوازا جاچکا ہے۔

دوسری جانب گلوکار سونو نگم نے اس اعزاز پر بھارتی حکومت کا شکریہ ادا کرتے ہوئے کہا کہ میں ان تمام لوگوں کا شکریہ ادا کرنا چاہتا ہوں ، جنہوں نے اس ایوارڈ کے لیے میرا نام دیا اور مجھے منتخب کیا جب کہ میں یہ ایوارڈ اپنی ماں کے نام کرنا چاہتا ہوں، آج اگر وہ ہوتی تو بہت خوش ہوتیں۔

واضح رہے پدما شری بھارت کا سب سے اعلیٰ سویلین ایوارڈ ہے جو جسے مختلف حصوں میں تقسیم کیا گیا ہے جس میں ’’پدما وبھوشن، پدما بھوشن اور پدما شری شامل ہیں جب کہ یہ سوشل ورک، پبلک افیئر، میڈیکل، تجارت، تعلیم، کھیل ، سول سروس اور انٹرٹینمنٹ کے شعبوں میں ملک کا نام روشن کرنے والی شخصیات کو دیا جاتا ہے۔