کینیڈین نژاد بالی ووڈ اداکارہ، رقاصہ اور ماڈل نورا فتیحی نے بھارتی ریپر گرو رندھاوا کو کامیڈی شو میں سب کے سامنے بوسہ دے دیا۔

سوشل میڈیا پر بھارتی کامیڈین شو کا ایک ویڈیو کلپ وائرل ہو گیا ہے۔

وائرل ویڈیو کلپ میں دیکھا جاسکتا ہے کہ ماڈل گرل نورا فتیحی نے بھارت کے معروف ریپر گرو رندھاوا کے ساتھ شو میں شرکت کی۔

شو کے دوران کپل شرما نے گرو سے متعلق ایک سوال کیا جس کے جواب میں نورا کا کہنا تھا کہ مجھے لگتا ہے اگر وہ میرے ساتھ نہیں ہے تو وہ ناچتا نہیں ہے۔

نورا نے دونوں ہاتھوں سے اشارہ کرتے ہوئے کہا کہ باقی میوزک ویڈیوز میں گرو رندھاوا صرف ایک ہی چیز کرتا ہے۔

نورا کے جواب پر گرو تبصرہ کرتے ہیں جس پر ماڈل گرل انہیں گال پر بوسہ دیتی ہیں اور یہ دیکھ کر  کپل شرما بھی چونک گئے۔

واضح رہے کہ بھارتی میڈیا میں نورا فتیحی اور گرو رندھاوا کے درمیان معاشقے کی بھی چہ مگوئیاں کی جارہی ہیں تاہم دونوں نے اب تک اس کی تردید یا تصدیق نہیں کی۔