بالی ووڈ کے دبنگ سلمان خان کی گھوڑے کے ساتھ  تصویر پر مداحوں نے دلچسپ تبصرے شروع کر دیے۔

اداکار نے فوٹو اینڈ ویڈیو شئیرنگ ایپ انسٹاگرام پر گھوڑے کے ساتھ ایک تصویر شیئر کی ہے۔

تصویر وائرل ہوتے ہی سوشل میڈیا صارفین کی جانب سے مختلف تبصروں کا سلسلہ شروع ہوگیا۔

سلمان خان نے اپنی تصویر شئیر کرتے ہوئے لکھا گھوڑے کا منہ۔

اس تصویر پر کترینہ کیف کی بہن ازابیل کیف نے پسندیدگی کا اظہار کیا جبکہ ٹیلی ویژن اداکار ارجن بجلانی اور یوویکا چوہدری نے تبصرے کے خانے میں دل کے ایموجیز چھوڑے۔

گزشتہ دنوں سلمان خان کو سانپ نے کاٹ لیا تھا جس کی خبر سامنے آئی تھی اسی تناظر میں ایک مداح نے بھائی جان کو گھوڑے سے محتاط رہنے کا مشورہ دیتے ہوئے کہا کہ کاٹ لے گا۔

ایک نے لکھا کہ بیچارا گھوڑا، سوچ رہا ہے، آج تو ٹائیگر دبوچ ہی نہ لے۔

ایک اور صارف نے لکھا کہ دونوں ہی گھوڑے ہیں، ایک زمین پر بھاگتا ہے اور دوسرا باکس آفس پر، ہم آپ سے بہت محبت کرتے ہیں سلمان خان۔

ایک خاتون نے گھوڑے کو خوش قسمت قرار دے دیا کیونکہ سلمان خان نے اسے گلے لگارکھا ہے۔

خاتون نے لکھا کہ گھوڑا بہت خوش قسمت ہے، جسے گلے لگایا گیا، یہاں کتنی لڑکیاں ہیں جو آپ کو گلے لگانا چاہتی ہیں۔

واضح رہے کہ سلمان خان کو 25 دسمبر کو اُن کے فارم ہاؤس پر سانپ نے کاٹ لیا تھا جس کے بعد انہیں اسپتال میں داخل کردیا تھا مگر انہیں اگلے ہی دن ڈسچارج کردیا گیا۔