پاکستان سمیت دنیا بھر میں ٹک ٹاک ویڈیوز بنانے کا رجحان بڑھتا چلا جارہا ہے اور ہر روز ایسے افراد کی تعداد میں اضافہ بھی ہورہا ہے۔

 ان افراد میں بڑی تعداد نوجوان نسل کی ہے جو کہ خود کو وائرل کرنے کے لئے اپنی جان کی بازی بھی لگادیتے ہیں اور خطرناک انداز میں ٹک ٹاک ویڈیوز بناتے ہیں۔

پاکستان میں ایسے بہت سے واقعات ہوتے ہیں لیکن حال میں ہونے والے واقعے نے ٹک ٹاکر کو مصیبت مں ڈال دیا ہے۔

 یہ واقعہ لودھراں کا ہے جہاں ایک نوجوان پولیس وین پر کھڑے ہوکر ٹک ٹاک ویڈیو بنارہا تھا۔

نوجوان کی یہ حرکت دیکھ کر پولیس نے اسے گرفتار کر کے  حوالات میں ڈال دیا ہے  اور خان پور تھانے کے ڈی ایس پی نے اس واقعے کی فوری طور پر انکوئری کرنے کا حکم بھی دیا ہے۔

پولیس کے مطابق نوجوان کی  اس حرکت سے غفلت برتنے والے پولیس اہلکاروں کے خلاف بھی کارروائی کرنے کا حکم جاری کیا گیا ہے۔