پاکستان کے معروف اداکار، میزبان و ہدایتکار یاسر حسین نے بیٹے کبیر حسین کے لئے لڑکی ڈھونڈ لی۔

یاسر حسین نے فوٹو اینڈ ویڈیو شئیرنگ ایپ انسٹاگرام پر ایک تصویر پوسٹ کی ہے۔

انسٹاگرام پر شئیر کردہ تصویر میں دیکھا جاسکتا ہے کہ اقراء عزیز نے سعدیہ غفار کی بیٹی رایا اور سعدیہ غفار نے اقراء عزیز کے بیٹے کبیر حسین کو گود میں لیا ہوا ہے۔

یہ تصویر شئیر کرتے ہوئے انہوں نے کیپشن میں حسن حیات کو ٹیگ کرتے ہوئے لکھا کہ اب وقت آ گیا ہے کہ ہم اپنی دوستی کو ۔۔۔۔۔۔۔، یاسر حسین نے اس جملے کو مکمل کرنے کے بجائے آگے ایک ہنسنے والا ایموجی بنایا۔

حسن حیات نے اس پوسٹ پر دونوں بچوں کے اچھے نصیب کے لئے دعا کی۔

یاسر حسین کی تصویر پر مداحوں کی جانب سے مختلف تبصرے کیے جارہے ہیں۔

واضح رہے کہ یاسر حسین کی جانب سے اکثر اوقات ہی حس مزاح سے بھر پور پوسٹس اور اسٹوریز شیئر کی جاتی ہیں جسے مداحوں کی جانب سے بہت پسند بھی کیا جاتا ہے۔