بالی ووڈ اسٹار وکی کوشل ٹریفک میں پھنسے نصرت فتح علی خان کی قوالیوں سے لطف اندوز ہوتے رہے۔

سوشل میڈیا سائٹ انسٹاگرام پر ایک ویڈیو وائرل ہو گئی ہے۔

وائرل ویڈیو میں دیکھا جاسکتا ہے کہ اداکار وکی گرے ٹی شرٹ زیب تن کیے آنکھوں پر چشمہ لگائے اپنی گاڑی میں بیٹھے ہیں۔

اس ویڈیو میں نصرت فتح علی خان کی قوالی سانسوں کی مالا پہ چل رہی ہے، اور وہ اسے گنگنا بھی رہے ہیں۔

واضح رہے کہ عالمی شہرت یافتہ گلوکار نصرت فتح علی خان طویل مدت پہلے ہی دنیا چھوڑ گئے تھے لیکن اُن کی گائیکی کی دنیا آج بھی فین ہے اور ناصرف پاکستان بلکہ بھارت میں بھی اُن کے بہت پرستار ہیں۔