ہالی ووڈ کی معروف اداکارہ اور اقوام متحدہ کی خصوصی سفیر انجلینا جولی نے انسٹاگرام پر سنگ میل عبور کر لیا ہے۔

انجلینا جولی کے سوشل میڈیا سائٹ انسٹاگرام پر فالوورز کی تعداد 12 ملین ہوگئی ہے۔

اداکارہ کے انسٹاگرام اکاؤنٹ پر نظر دوڑائی جائے تو انہوں نے خود صرف 3 انسٹاگرام اکاؤنٹس کو فالو کیا ہوا ہے اور ابھی تک صرف 24 پوسٹس شیئر کی ہیں۔

واضح رہے کہ انجلینا جولی نے کابل میں طالبان کی فتح کے بعد افغانستان کے لوگوں کی آواز دنیا تک پہنچانے کے لئے انسٹاگرام پر اپنا اکاؤنٹ بنایا تھا۔

اداکارہ نے اب تک اپنے انسٹاگرام اکاؤنٹ کا استعمال افغانستان کے لوگوں کے مسائل خصوصاً افغان لڑکیوں، ترقی پزیر ممالک میں مسائل کے شکار بچوں اور دنیا میں رُونما ہونے والے ماحولیاتی تبدیلی جیسے مسائل کے بارے میں اپنے پراجیکٹس کی پروموشن کے لئے کیا ہے۔

اس کے علاوہ اداکارہ نے اپنی سماجی سرگرمیوں سے متعلق چند تصاویر اور ویڈیوز بھی شیئر کی ہیں۔