پاکستان کی معروف اداکارہ ایمن خان نے شادی سے متعلق اہم انکشاف کیا ہے۔

حال ہی میں اداکارہ نے ایک انٹرویو کے دوران مختلف سوالات کے جوابات دیے۔

انٹرویو کے دوران میزبان کے شادی سے متعلق سوال پر ایمن خان نے کہا کہ اُن کے خیال میں اگر کیریئر بنانے کی غرض سے شادی کے لئے بہت زیادہ وقت لے لیا جائے تو پھر شادی نہیں ہوتی، پاکستان انڈسٹری میں کتنی ساری اداکارائیں غیر شادی شدہ ہیں۔

ایمن خان نے اداکارہ اُشنا شاہ اور ٹک ٹاکر جنت مرزا کو مشورہ دیا کہ اُشنا شاہ کو غصہ کم کرنا چاہئیے اور جنت مرزا کو میک اپ کم کرنا چاہئیے۔‘

 ایک سوال کے جواب میں اداکارہ نے کہا کہ اگر انہوں نے کبھی اپنے شوہر منیب بٹ کو کسی اور لڑکی کے ساتھ رنگے ہاتھوں پکڑ لیا تو وہ منیب کو اُن ہی کی پستول سے گولی مار دیں گی اور اُس لڑکی کو بھی جان سے ختم کر دیں گی۔

اس سے قبل ایمن خان کی تصاویر سوشل میڈیا پر وائرل ہو گئی تھیں۔

ایمن خان نے فوٹو اینڈ ویڈیو شیئرنگ ایپ انسٹاگرام پر اپنی تصاویر پوسٹ کی تھیں جس میں اداکارہ سیاہ رنگ کا لباس زیب تن کی ہوئی تھیں جو ان کی خوبصورتی میں مزید اضافہ کر رہا تھا۔

گزشتہ دنوں اداکارہ ایمن کی اپنے شوہر اداکار منیب بٹ اور بیٹی کے ہمراہ تصاویر سوشل میڈیا پر وائرل ہوئی تھیں۔

اداکارہ ایمن نے انسٹاگرام پر پوسٹ کی جانے والی تصاویر کی کیپشن میں لکھا تھا فیملی ویکیشن۔

واضح رہے کہ اداکارہ ایمن خان انسٹاگرام پر کافی متحرک نظر آتی ہیں اور سوشل میڈیا پر اپنی نت نئی تصاویر اور ویڈیوز پوسٹ کرتی رہتی ہیں۔