پاکستان شوبز انڈسٹری کی معروف جوڑی اداکارہ عائزہ خان اور دانش تیمور کا فوٹو شوٹ سوشل میڈیا پر وائرل ہو گیا ہے۔

عائزہ خان نے فوٹو اینڈ ویڈیو شئیرنگ ایپ انسٹاگرام پر چند تصاویر پوسٹ کی ہیں جسے مداحوں کی جانب سے بہت پسند کیا جارہا ہے۔

انسٹاگرام پر شئیر کردہ تصاویر کو دونوں اداکاروں کے مداحوں کی جانب سے بہت پسند کیا جارہا ہے اور تعریفی کامنٹس کا سلسلہ بھی جاری ہے۔

ان تصاویر پر مداحوں کی جانب سے تاحال لاکھوں لائیکس آچکے ہیں۔

گزشتہ دنوں عائزہ خان نے اپنے طالب علمی کے زمانے کی کچھ پرانی یادوں کو تازہ کیا تھا۔

حال ہی میں اداکارہ نے کراچی میں اپنے کالج کی ایک تقریب میں شرکت کی تھی۔

عائزہ خان نے بتایا کہ اُنہیں شروع سے ہی ہر کوئی اداکاری کے لئے پیشکش کیا کرتا تھا ،اُس وقت وہ سوچتی تھیں کہ اُنہیں کیوں اس طرح کی سرگرمیوں کی پیشکش کی جاتی ہے جبکہ اُنہیں تو ابھی کچھ آتا ہی نہیں اور وہ تو ٹھیک سے کھڑی بھی نہیں ہو سکیں گی۔

اداکارہ کا کہنا تھا کہ دراصل لوگ دیکھ سکتے ہیں اور پہچان لیتے ہیں کہ اس انسان میں کچھ کر دکھانے کا ٹیلنٹ اور اعتماد ہے۔

عائزہ خان نے کہا کہ جب انکا اپنے کالج میں پہلا ہفتہ تھا تو اُن کے سینئرز نے اُن کی ریگنگ کی تھی۔

اُنہوں  نے بتایا کہ اُن کے سینئرز نے اُنہیں کسی کو پرپوز کرنے کا چیلنج دیا تھا اور اس کے علاوہ بھی کچھ عجیب وغریب قسم کے چیلیجز پورے کرنے کو کہا تھا۔

اداکارہ نے بتایا کہ پہلے وہ تھوڑا پریشان ہوئیں لیکن پھر اُنہوں نے سوچا کہ وہ اِن کو کر کے دکھائیں گی اور ڈریں گی نہیں اور اُنہوں نے سارے چیلنجز پورے کیے اور اُن کی اپنے تمام سینئرز کے ساتھ دوستی ہوگئی تھی۔

واضح رہے کہ اداکارہ عائزہ خان کا شمار پاکستان شوبز انڈسٹری کی نامور اداکاراؤں میں ہوتا ہے۔