سابق کرکٹر وسیم اکرم اور ان کی اہلیہ شنیرا نے سماجی مسئلہ حل کر دیا۔

شنیرا نے فوٹو اینڈ ویڈیو شیئرنگ ایپ انسٹاگرام پر کراچی کے علاقے ڈیفنس کی تصاویر اور ویڈیو شیئر کی ہے۔

اس ویڈیو میں کنٹونمنٹ بورڈ کلفٹن کا عملہ سڑک کو صاف کرتے ہوئے نظر آرہا ہے۔

شنیرا نے اپنی پوسٹ کے کیپشن میں لکھا کہ آج صبح کنٹونمنٹ بورڈ کلفٹن (سی بی سی) نے سڑکوں سے آپ کے کوڑے کو صاف کر دیا۔

اُنہوں نے لکھا کہ تیز ردعمل دیکھ کر اچھا لگا لیکن آئیے کوشش کریں کہ سب سے پہلے سڑک پر کچرا نہ پھینکیں۔

شنیرا نے بتایا کہ تقریباً 200 سے زائد افراد اور 10 ٹریکٹرز کی مدد سے کراچی کے ساحل کو گندگی سے پاک کیا گیا ہے۔

اُنہوں نے اپیل کرتے ہوئے کہا کہ ہماری محنت کو ضائع نہیں ہونے دیجیے گا، کراچی کو اپنے اردگرد کی سڑکوں اور ساحل کو صاف رکھیں،شہر کی صفائی سے ہمارا معاشرہ بھی صاف رہے گا۔