بھارتی دلہن کی اپنے دلہے کے ہاتھوں ورمالا نہ پہننے کی اداکاری کرتے ہوئے ویڈیو وائرل ہوگئی۔

پاکستان اور بھارت میں آج کل شادیوں کا سیزن چل رہا ہے جہاں تھیم ویڈینگ کے نام پر نت نئے رواج سامنے آرہے ہیں اور ایسے میں دولہا اور دلہن کی بھی بھرپور کوشش ہوتی ہے کہ وہ کسی طرح اپنی شادی کو کامیاب کروانے کے لیے کوئی ایک ویڈیو وائرل کروانے میں کامیاب ہوجائیں ۔

یہ بھی پڑھیں؛ اپنی رخصتی پر ہنسنے والی انوکھی دلہن ، ویڈیو وائرل

سوشل میڈیا پر ان دنوں دلہا یا دلہن کی انٹری پر ڈانس یا تو دلہن کی موٹر سائیکل یا پھر گھوڑے پر انٹری کے چرچے ہورہے ہیں اور ان ویڈیوز کو لاکھوں افراد دیکھ چکے ہیں، ایسے میں ایک اور بھارتی دلہن نے سوشل میڈیا کی زینت بننے کے لیے نیا طریقہ کار دھونڈ نکالا۔

سوشل میڈیا پر ایک ویڈیو وائرل ہورہی ہے جس میں بھارتی دلہا اپنی دلہن کے ساتھ اسٹیج پر موجود ہے جہاں وہ اسے اپنی روایت کے مطابق ورمالا پہنانے کی کوشش کررہا ہے تاہم دلہن آسانی سے ورمالا نہیں پہن رہی جس کی وجہ سے دلہا کو مشقت کرنا پڑ رہی ہے۔

یہ بھی پڑھیں؛ دلہن کی گانے پر رقص کیساتھ انوکھی انٹری کی ویڈیو وائرل

دلہن کی ویڈیو کو بھارتی میک اپ آرٹسٹ کی جانب سے فوٹو شیئرنگ ایپ انسٹاگرام پر اپ لوڈ کیا گیا ہے جس میں دلہن نے لال رنگ کا لہنگا جب کہ دلہے نے کریم کلر کی شیروانی زیب تن کررکھی ہے۔

ویڈیو کو اب تک 5 لاکھ سے زائد بار دیکھا جاچکا ہے اور صارفین کی جانب سے اس ویڈیو پر زبردست ردعمل کا اظہار کیا جارہا ہے۔ ایک صارف نے تو لڑکی کو ’میٹرکس دلہن‘ کا خطاب دے دیا۔