پاکستانی شوبز ڈرامہ انڈسٹری کا حصہ بننے والی سری لنکن اداکارہ یحالی تاشیا کون ہیں اور یہاں تک کا ان کا سفر کیسا رہا اس حوالے سے کچھ معلومات موصول ہوئیں ہیں۔

حال ہی میں پاکستانی ڈرامہ انڈسٹری کی زینت بننے والی سری لنکن اداکارہ و ماڈل یحالی تاشیہ نے اشتہارات سے اپنے کیریئر کا آغاز کیا تھا جس کے بعد وہ متعدد سری لنکن ڈراموں میں بھی جلوہ گر ہوچکی ہیں۔

پاکستانی شوبز ڈرامہ انڈسٹری کا حصہ بننے کے بعد یحالی تاشیا نے اپنا پہلا انٹرویو دیا ہے جس میں انہوں نے اپنے یہاں تک کہ سفر کے متعلق بتایا ہے۔

انہوں نے بتایا ہے کہ فوج کے موضوع پر بننے والے ڈرامے کے لئے پہلے سری لنکن فوج اور پھر پاکستانی فوج کی جانب سے رابطہ کیا گیا تھا۔

انہوں نے بتایا کہ پاک فوج کے کرنل عمیر نے انہیں اردو زبان بولنے کی تربیت دینے میں مدد کی جبکہ اس سلسلے میں  پروڈکشن پاؤس کے لوگوں نے بھی ان کی بہت مدد کی تھی۔

یحالی تاشیا کا کہنا ہے کہ پاکستان آنے کے بعد جانا کہ یہاں کے لوگوں کی دوست ممالک سے دوستی ، مہمان نوازی اور حسن سلوک ان کے خون میں شامل ہے۔

ان کا کہنا تھا کہ وہ سری لنکا سے براہ راست کراچی آئی تھیں لیکن شوٹنگ کے لئے اسلام آباد کے راستے انہیں ایبٹ آباد جانا پڑگیا تھا۔

خیال رہے کہ سری لنکن اداکارہ و ماڈل یحالی تاشیا پاکستان کے فوج کے موضوع پر بننے والے ڈرامے میں ایک سری لنکن کیڈٹ کا کردار ادا کرتی ہوئی نظر آئی ہیں۔