بھارت کے معروف اداکار سلمان خان نے بگ باس 15 کے کھلاڑی ابھیجیت بچوکلے کو گھر میں گھس کر مارنے کی دھمکی دے دی۔

بھارتی نجی چینل کی جانب سے حال ہی میں شو کے نئے پرومو کی ویڈیو شیئر کی گئی ہے۔

وائرل ویڈیو میں سلمان خان ابھیجیت بچو کلے کو دیگر کھلاڑیوں کے ساتھ نازیبا رویہ اختیار کرنے پر ڈانٹتے ہوئے نظر آرہے ہیں۔

اداکار نے کہا کہ بچوکلے یہ جو آپ نے گندی گندی گالیاں دی تھیں کوئی دوسرا آپ کے گھر والوں کو دے تو آپ کو کیسا لگے گا۔

انہوں نے کہا کہ میں آپ کو وارننگ دے رہا ہوں مڈ ویک آکے نکال کے جاؤں گا یہاں سے بال پکڑ کے۔

جس پر بچو کلے نے سلمان خان کو کہا میں بولوں، اداکار سلمان اور غصے میں آگئے اور کہا تو بولے گا نا تو گھر میں آکے تجھے مار کے جاؤں گا۔

سلمان خان کی اس بات پر ابھیجیت بھی بھڑک اٹھے اور کہا کہ بھاڑ میں جائے آپ کا شو، کھولو دروازہ ایسے شو میں رکنا بھی نہیں چاہتا۔

واضح رہے کہ بگ باس 15 کے کھلاڑی ابھیجیت بچوکلے جب سے گیم شو میں شامل ہوئے ہیں اکثر ان کے دیگر کھلاڑیوں کے ساتھ برے رویے کی ویڈیوز سوشل میڈیا پر وائرل ہوتی رہتی ہیں ،لیکن اس بار تو ابھیجیت بچوکلے نے حد کردی جس کے بعد سلمان خان بھی غصے میں آگئے ۔

واضح رہے کہ اس سے قبل سلمان خان نے شو میں شامل ایک اور کھلاڑی اداکارہ شمیتا شیٹھی کو بھی گھر والوں سے الجھنے پر کھری کھری سنائی تھیں۔