پاکستان ڈرامہ انڈسٹری کی معروف اداکارہ اریبہ حبیب رشتہ ازدواج سے منسلک ہوچکی ہیں۔

 اداکارہ کی متعدد تصاویر اور ویڈیوز بھی سوشل میڈیا پر خوب وائرل ہوگئی ہیں جبکہ ساتھی اداکارؤں کی جانب سے مبارکباد کا سلسلہ بھی جاری ہے۔

ایک ویڈیو میں دیکھا جاسکتا ہے کہ شادی کے اسٹیج پر اداکارہ اریبہ حبیب شوہر کے ساتھ خوشگوار موڈ میں بیٹھی ہیں۔

 ویڈیو میں اسٹیج کے اردگرد دیگر مہمان بھی موجود ہیں اور اداکارہ کے شوہر نے انہیں محبت سے بوسہ دیا جس پر مہمانوں نے بھی شور کیا۔

اس ویڈیو کے وائرل ہونے پر سوشل میڈیا صارفین نے اداکارہ کے شوہر پر خوب تنقید کی اور اداکارہ سے متعلق بھی غیرمناسب الفاظ استعمال کئے۔

سوشل میڈیا کے مختلف پیجز پر اداکارہ کی شادی کی تقریبات کی تصاویر اور ویڈیوز وائرل ہو گئی ہیں۔

ایک ویڈیو میں دیکھا جاسکتا ہے کہ اداکارہ اپنے نکاح نامے پر دستخط کر رہی ہیں۔

 متعدد ویڈیو میں اداکارہ اپنے شوہر کے ہمراہ بہت خوش نظر آرہی ہیں۔

اریبہ حبیب نے اپنی زندگی کے اس خاص دن پر لال رنگ کے عروسی لباس کا انتخاب کیا ہے جبکہ ان کے شوہر صادین شیخ نے کالے رنگ کی شیروانی پہنی ہے۔

 گزشتہ روز اداکارہ اریبہ حبیب کی مایوں کی کچھ تصاویر اور ویڈیوز سوشل میڈیا پر وائرل ہو گئی تھیں۔

اریبہ حبیب کی مایوں کی تصاویر اور ویڈیوز میں اداکارہ اورنج رنگ کا سادہ لباس زیب تن کی ہوئی تھیں اور ساتھ میں پھولوں کا زیوار بھی پہنی ہوئی تھیں جو ان کی خوبصورتی میں مزید اضافہ کر رہا تھا۔

اریبہ حبیب کی رسمِ حنا میں پاکستان شوبز انڈسٹری سے منسلک لوگوں نے بھی شرکت کی تھی جس میں اداکارہ ثناہ فخر ، ژالے سر حدی کو بھی دیکھا گیا تھا۔

وائرل تصویروں میں اریبہ حبیب اپنی مہندی کی رسم خود بھی انجوائے کررہی تھیں اور مہمانوں کو چائے پیش کرتے ہوئے نظر آ رہی تھیں۔

 گزشتہ دنوں ادکارہ اریبہ نے اپنی ناک چھدوانے کی ایک ویدیو پوسٹ کی تھی۔

 انسٹاگرام پر اداکارہ اریبہ کی جانب سے شیئر کی گئی ویڈیو میں انہوں نے کہا تھا کہ یہ انتہائی تکلیف دہ تھا، کون کہتا ہے کہ دلہن بننا آسان ہے۔

اس سے قبل اریبہ حبیب نے اپنی شادی کی تاریخ بتاکر مداحوں کو حیران کردیا تھا۔

اداکارہ اریبہ حبیب نے فوٹو اینڈ ویڈیو شئیرنگ ایپ انسٹاگرام پر کچھ تصاویر پوسٹ کی تھیں۔

اریبہ حبیب کی جانب سے پوسٹ کی جانے والی تصاویر میں اداکارہ نے  شادی کے کارڈ کی تصویر شیئر کی تھی۔

کارڈ میں اریبہ کی سعدین کے ساتھ شادی کی تقریب 2 جنوری دکھائی دے رہی تھی۔

سنہری خطاطی کے ساتھ لکھا گیا تھا کہ اداکارہ کی شادی کا کارڈ ایک فریم میں بند ہے جبکہ ساتھ میں ایک موم بتی اور مٹھائی کا ڈبہ بھی تھا۔