پاکستان کی ڈرامہ انڈسٹری میں نعمان اعجازکو ایک لیجنڈ کے طور پر جانا جاتا ہے، وہ ایک باصلاحیت  اداکارہونے کے ساتھ بہترین میزبان بھی ہیں۔ وہ گزشتہ تین دہائیوں سے شوبز انڈسٹری سے وابستہ ہیں، یہی وجہ ہے کہ پوری دنیا میں ان کے لاکھوں مداح ہیں۔

نعمان اعجاز نے کئی ڈراموں میں لازوال کردار ادا کئے، پہلے ان کے تمام کردار مثبت یا ہیروں کے ہوتے تھے لیکن پھر انہوں نے منفی کردار ادا کرنے شروع کر دیئے لیکن ان کی دونوں طرح کی اداکاری کو دیکھنے والوں کی جانب سے خوب سراہا گیا۔

نعمان اعجاز کے بارے میں اکثریت یہ سمجھتی ہے کہ انہوں نے شو بز میں اپنے کیریئر کا آغاز ڈراموں سے کیا لیکن یہ بات درست نہیں ہے انہوں نے فلم سے اپنی اداکاری کا آغاز کیا اور تقریباً کئی فلموں میں اداکاری کی۔

لیکن خوش قسمتی سے وہ تمام ہی فلمیں ناکام یعنی فلاپ ہوئی، یہاں خوش قسمتی کا لفظ اس لئے استعمال کیا کیونکہ انہیں فلم میں کام کرنے کا کوئی شوق نہیں تھا۔ ان خیالات کا اظہار انہوں نے ایک انٹرویو کے دورن کیا۔

نعمان اعجاز کہنا تھا کہ وہ خود فلموں کے لئے موزوں نہیں سمجھتے تھے اسی لئے یہ ان کے اچھا ہوا کہ ان کی تمام ہی فلمیں فلاپ ہوگئی اور انہوں نے ڈراموں میں اداکاری کا آغاز کیا۔