سابق لیجنڈری کرکٹر وسیم اکرم کی اہلیہ شنیرا نے کراچی والوں سے اپیل کردی۔

انہوں نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ کراچی میں ایک بار پھر اِن ڈور ریستوران بند کردیے گئے ہیں جس کی وجہ سے عملے کو ایک بار پھر بے روزگاری کے خطرے کا سامنا ہے۔

As Karachi closes its doors for in house dining & staff face risk of unemployment yet again,a reminder that being rude or harsh to wait staff, is as low as you can go. Remember they are so proud of the job they have and although they serve you, they are not in anyway beneath you!

— Shaniera Akram (@iamShaniera) January 22, 2022

شنیرا نے کہا کہ براہِ کرم، آپ عملے کے ساتھ بدتمیزی اور نامناسب رویہ اختیار کرنے سے گریز کریں۔

اُنہوں نے کہا کہ یاد رکھیں کہ وہ اپنے کام پر بہت فخر کرتے ہیں اور اگرچہ وہ آپ کی خدمت کرتے ہیں وہ کسی بھی صورت میں آپ کے غلام نہیں ہیں۔

خیال رہے کہ کراچی میں گزشتہ 24 گھنٹوں کے دوران 2 ہزار 895 افراد میں کورونا وائرس کی تصدیق ہوئی ہے جس کے بعد کورونا وائرس کے کیسز مثبت آنے کی شرح 45 اعشاریہ 14 فیصد کی سطح پر جا پہنچی ہے۔