پاکستان کی معروف اداکارہ حنا الطاف کے والد انتقال کر گئے ہیں۔

حنا الطاف نے سوشل میڈیا سائٹ انسٹاگرام اسٹوری پر ایک پوسٹ شئیر کرکے اپنے والد کے انتقال کی خبر شئیر کی ہے۔

اداکارہ نے اس پوسٹ میں لکھا کہ زندگی میں سب سے مضبوط شخص جسے میں جانتی ہوں، میرے والد انتقال کر گئے ہیں۔

انہوں نے اپنے مداحوں سے دعا کی درخواست کرتے ہوئے لکھا کہ  برائے مہربانی ان کے لئے دعا کریں۔

اداکارہ نے کبھی بھی اپنے والد کی تصاویر انسٹاگرام پر شیئر نہیں کیں لیکن مداحوں نے اداکارہ کے نکاح کے دن ان کے والد کی تصویر دیکھی ہے۔

گزشتہ دنوں حنا الطاف نے ایک انٹرویو میں بتایا تھا کہ ایک بار ان کے والد نے ان سے محبت میں کہا تھا کہ حنا میرے بیٹے کی طرح ہے، یہ بات کرتے ہوئے اداکارہ رو پڑی تھیں۔

واضح رہے کہ اداکارہ حنا الطاف کا شمار پاکستان کی معروف اداکاراؤں میں ہوتا ہے۔

اداکارہ حنا الطاف گزشتہ سال عالمی وباء کورونا وائرس لاک ڈاؤن کے دوران اداکار و گلوکار آغا علی سے نکاح کے بندھن میں بندھ گئی تھیں۔