پاکستانی ڈرامہ انڈسٹری کے معروف اداکار سلمان سعید کے گھر بیٹی کی پیدائش ہوئی ہے۔

اس حوالے سے گزشتہ روز اداکار سلمان سعید نے اپنے انسٹاگرام اکاؤنٹ پر پوسٹ جاری کی ہے جس میں اس خوشی کی خبر کے متعلق بتایا ہے۔

اداکار نے اپنے پوسٹ میں بتایا ہے کہ ان کی بیٹی کی پیدائش رواں ماہ کی پہلی تاریخ کو ہوئی تھی اور اللہ کی اس رحمت پر وہ بہت شکرگزار ہیں۔

انہوں نے اپنے پوسٹ میں بتایا ہے کہ انہوں نے اپنی کی بیٹی کا نام ’آئرہ‘ رکھا ہے اور اللہ کا شکر ادا کرتے ہوئے اس رحمت کا کا شکریہ ادا  کیا ہے۔

اس سے قبل اداکار سلمان کی اہلیہ علینہ سلمان نے بھی اپنے انسٹاگرام اکاؤنٹ پر اپنی بیٹی کی پیدائش کی پوسٹ لگائی تھی۔

’آئرہ‘ کی پیدائش اس جوڑے کے لئے نئے سال کا بہترین تحفہ ثابت ہوئی ہے ۔

دونوں کے پوسٹ پر شوبز انڈسٹری کے دیگر ساتھیوں نے بھی مبارکباد پیش کی ہے اور نیک تمناؤں کا اظہار کیا ہے۔