پاکستانی اداکارہ صبور علی اور اداکار علی انصاری کی شادی کی تقریبات کا آغاز ہوچکا ہے جس کی ویڈیو بھی منظر عام پر آگئی ہے۔

اس ویڈیو میں اداکارہ کو تقریب کے لئے تیار ہوتا ہوا دیکھا جاسکتا ہے جبکہ اداکار علی انصاری گفت و شنید میں مصروف نظر آرہے ہیں۔

اس ویڈیو کے منظر عام پر آنے کے بعد سوشل میڈیا صارفین کا خیال ہے کہ یہ جوڑی جلدی ہی شادی کرلے گی۔

دوسری جانب اس حوالے سے جاری رپورٹس میں بتایا گیا ہے کہ اداکارہ صبور علی اور اداکار علی انصاری رواں ماہ کی آخر تک رشتہ ازدواج میں منسلک ہوجائیں گے۔

خیال رہے کہ گزشتہ برس صبور علی اور علی انصاری کا رشتہ طے ہوا تھا جس کے بعد ان کی منگنی بھی ہوئی تھی۔

اس حوالے سے دونوں نے اپنے انسٹاگرام اکاؤنٹ کے ذریعے پوسٹ جاری کرتے ہوئے  بھی اپنے مداحوں کو آگاہ کیا تھا۔