بالی ووڈ کے معروف اداکار رنویر سنگھ بھی امریکی گلوکار ایمینم کے مداح نکلے۔

اداکار رنویر سنگھ نے ایمینم کی انسٹا گرام پوسٹ پر کمنٹ کرتے ہوئے لکھا کہ وہ ہر دور میں ہی عظیم رہے ہیں۔

رنویر سنگھ نے اپنی سپر ہٹ فلم گلی بوائے میں ایک ریپر کا کردار ادا کیا تھا جس پر لوگوں کا کہنا تھا کہ انہوں نے مارشل میتھرس عرف ایمینم کی نقل کی ہے۔

واضح رہے کہ امریکی گلوکار ایمینم نے ویڈیو شیئرنگ ایپ یوٹیوب پر 50 ملین سبسکرائبرز کا سنگ میل عبور کرلیا۔

ایمینم نے فوٹواینڈ ویڈیو شیئرنگ ایپ انسٹاگرام پر ایک ویڈیو شیئر کی ہے۔

ویڈیو میں ایمینم کے اب تک کے موسیقی کیریئر کے یادگار لمحات کی کچھ جھلکیاں دیکھی جاسکتی ہیں۔

ویڈیو شیئر کرتے ہوئے امریکی گلوکار نے لکھا کہ اسٹوڈیو میں کہیں کونے میں کھڑے ہوکر ریپ سانگز گانے سے لے کر یوٹیوب پر 50 ملین اور اس سے زائد  سبسکرائبرز حاصل کرنے تک کا سفر۔

انہوں نے 50 ملین سبسکرائبرز ہونے پر اپنے مداحوں کا شکریہ ادا کیا۔

یاد رہے کہ ایمینم کو انسٹاگرام پر 33 ملین سے زیادہ لوگ فالو کرتے ہیں اور ان کی اس بڑی کامیابی پر بہت خوش ہیں۔

ایمینم نے 1988 سے باقاعدہ موسیقی کی دنیا میں قدم رکھا تھا اور ان کاشمار اب تک کے ایسے گلوکاروں میں ہوتا ہے جن کی موسیقی سب سے زیادہ فروخت ہوئی ہے۔

ایک رپورٹ کے مطابق ایمینم کے دنیا بھر میں اب تک  220 ملین سے زیادہ ریکارڈز فروخت ہوتے ہیں۔

اس کے علاوہ مشرق وسطیٰ میں ہپ ہاپ میوزک کی مقبولیت کا کریڈیٹ بھی گلوکار کے پاس ہے۔