پاکستان کی نامور اداکارہ زرنش خان نے شادی کے متعلق اپنی رائے اور اپنے خیالات کا اظہار کیا ہے۔

 حال ہی میں اپنے ایک بیان میں اداکارہ نے جلدی شادی کرنے کے حق میں بات کی ہے۔

 اداکارہ زرنش خان نے اپنے بیان میں کہا ہے کہ میری شادی 17 سال کی عمر میں ہوئی تھی اور میں چاہتی ہوں کہ والدین اپنے بچوں کی شادیاں کرنے میں تاخیر نا کریں۔

جلدی شادی کرنے کے متعلق بات کرتے ہوئے اداکارہ نے کہا ہے کہ چھوٹی عمر میں شادی کرنے سے نئے رشتوں کو سمجھنے اور قبول کرنے میں بہت آسانی ہوجاتی ہے۔

خیال رہے کہ اداکارہ زرنش خان کی سترہ سال کی عمر میں شادی ہو گئی تھی اور وہ پاکستان سے دبئی منتقل ہو گئیں۔

انہوں نے اپنے شوہر کی حوصلہ افزائی سے  شوبز کی دنیا میں قدم رکھا اور اب ایک مقبول اداکارہ کے طور پر اپنا لوہا منوا چکی ہیں۔