گزشتہ روز پاکستان کی معروف اداکارہ صبور علی اور اداکار علی انصاری رشتۂ ازدواج میں منسلک ہو گئے جس کے بعد اداکار کی قسمت چمک گئی۔

اداکارعلی انصاری کے انسٹاگرام پر فالوورز کی تعداد میں اضافہ ہوگیا ہے جس کے بعد تعداد ایک ملین یعنی 10 لاکھ ہوگئی ہے جبکہ علی انصاری کے انسٹاگرام اکاؤنٹ کی جانب سے اب تک 453 پوسٹس کی گئی ہیں اور اُنہوں نے صرف 374 صارفین کو فالو کیا ہوا ہے۔

واضح رہے کہ اداکارہ صبور علی اور اداکار علی انصاری کے نکاح اور رخصتی کی تقریب کا انعقاد گزشتہ روز کیا گیا تھا جس کی تصاویر اور ویڈیوز سوشل میڈیا پر وائرل ہوگئی ہیں۔

صبور علی نے اپنی زندگی کے خاص دن کے موقع پر گولڈن رنگ کے عروسی لباس کا انتخاب کیا جبکہ اُن کے شوہر علی انصاری نے سفید شیروانی زیب تن کی تھی۔

علی انصاری اور صبور کی شادی کی تقریب میں شوبز ستاروں نے بھی شرکت کی جن میں عروہ حسین، زارا نور عباس اور ایمن خان سمیت دیگر فنکار شامل تھے۔

یاد رہے کہ گزشتہ سال  صبور علی کی اداکار علی انصاری کے ساتھ بات پکّی ہوئی تھی۔