پاکستان کی معروف جوڑی ریمبو اور صاحبہ کے بیٹوں احسن خان اور زین خان کو ہالی ووڈ اداکاروں سے مشابہہ قرار دیا جانے لگا۔

ریمبو نے سوشل میڈیا سائٹ انسٹاگرام پر ایک تصویر شیئر کی جو سوشل میڈیا صارفین کی توجہ کا مرکز بن گئی۔

اس تصویر میں اداکارہ صاحبہ کے ساتھ ان کے دونوں بیٹوں کو بھی دیکھا جاسکتا ہے جسے مداحوں کی جانب سے بہت پسند کیا جارہا ہے اور مختلف تبصروں کا سلسلہ بھی جاری ہے۔

ایک صارف نے کہا کہ اس تصویر کو دیکھ کر لگا کہ وہ کسی ہالی ووڈ اداکار کے ساتھ کام کرنے جارہی ہیں۔

صارف نے لکھا کہ ماشاءاللہ، لگتا ہی نہیں ہے یہ ان کے بچے ہیں ،کیپشن پڑھے بغیر سمجھا کہ صاحبہ کسی ہالی ووڈ اداکار کے ساتھ کام کرنے جارہی ہیں۔

اداکارہ صاحبہ کو صارف کا یہ کمنٹ بہت پسند آیا اور انہوں نے اس کا اسکرین شاٹ شیئر کیا اور بیٹوں کو ٹیگ کرتے ہوئے لکھا کہ اس کمنٹ نے تو مجھے اپنا دیوانہ بنا لیا ہے۔