رواں سال منعقد کی جانے والی گریمی ایوارڈز کی تقریب کو غیر معینہ مدت کے لیے ملتوی کر دیا گیا ہے ۔

اس حوالے سے انتظامیہ کا کہنا ہے کہ دنیا بھر میں کورونا وباء کی نئی لہر اومیکرون کی بگڑتی ہوئی صورتحال کی وجہ سے اس سال گریمی ایوارڈز کی تقریب غیر معینہ مدت کے لیے ملتوی کرنے کا فیصلہ کیا گیا ہے۔

انتظامیہ کا کہنا ہے کہ اس تقریب کے منعقد کیے جانے کی صورت میں اومیکرون کے بڑھنے کے مزید خدشات شامل ہیں۔

انتظامیہ کا کہنا ہے کہ گریمی ایوارڈ کی تقریب کی نئی تاریخوں کا اعلان صورتحال کو دیھکتے ہوئے بعد میں کیا جائےگا۔

خیال رہے کہ گریمی ایوارڈز کی تقریب رواں ماہ 31 جنوری کو منعقد ہونے والی تھی جس کے لئے تمام تر انتظامات مکمل کرلیے گئے تھے تاہم کورونا کے وبائی مرض کی پھیلتی ہوئی صورتحال کو دیکھتے ہوئے اس تقریب کو ملتوی کردیا گیا ہے۔