بالی وڈ کی نامو اداکارہ پریانکا چوپڑا اور مشہور پاپ گلوکار نک جونس نے نئے سال کو پرجوش انداز میں خوش آمدید کہا ہے۔

اداکارہ نے اپنے سوشل میڈیا اکاؤنٹ پر ایک پوسٹ جاری کی ہے جس میں ان کی کچھ تصاویر بھی موجود ہیں۔

ان تصاویر میں پریانکا چوپڑا اور نک جونس کو بہت ہی خوشگوار موڈ میں دیکھا جاسکتا ہے ۔

ان تصاویر سے اندازہ لگانا مشکل نہیں ہے کہ دونوں نے نئے سال کا آغاز بھرپور انداز  سے کیا ہے۔

خیال رہے کہ گزشتہ برس دونوں کی علیحدگی کی افواہیں گردش میں تھیں جس کی اصل وجہ  اداکارہ کا سوشل میڈیا سائٹ پر اپنا نام تبدیل کرنا تھا۔

بعدازاں ان افواہیوں کی تردید کرتے ہوئے اداکارہ نے بتایا تھا کہ  انسٹاگرام پر اپنے نام کو تبدیل کرنے کا اصل مقصد تمام سوشل سائٹس پر ایک جیسا نام کرنا ہے۔