پاکستان کے نامور اداکار و میزبان حمزہ علی عباسی کے بعد اب ان کا بیٹا مصطفیٰ عباسی بھی تنقید کی زد میں آگیا ہے۔

اداکار حمزہ علی عباسی کی اہلیہ و سابق اداکارہ نیمل خاور نے فوٹو اینڈ ویڈیو شئیرنگ ایپ انسٹاگرام پر اپنی فیملی کی تصاویر شئیر کی ہیں۔

شئیر کی گئی تصاویر میں دیکھا جا سکتا ہے کہ یہ فیملی دبئی میں سیر سپاٹوں میں مصروف ہے ،یہ تصاویر دبئی میں موجود بیچ پر لی گئی ہیں۔

نیمل خاور نے جو تصاویر شئیر کی ہیں ان میں سے ایک تصویر کو سوشل میڈیا صارفین کی جانب سے شدید تنقید کا نشانہ بنایا جارہاہے جس میں نام پیروں کی طرف لکھا گیا ہے۔

سوشل میڈیا صافرفین کی جانب سے اس تصویر پر مختلف تبصروں کا سلسلہ جاری ہے۔

دوسری جانب سوشل میڈیا کے مختلف پیجز پر مصطفیٰ عباسی کی ایک ویڈیو وائرل ہوئی ہے جس میں اسے پانی میں انجوائے کرتے ہوئے دیکھا جاسکتا ہے۔

گزشتہ دنوں حمزہ علی عباسی کے بیٹے کا نیا لک مداحوں کو بھا گیا تھا۔

سوشل میڈیا کے مختلف پیجز پر اداکار حمزہ علی عباسی کے بیٹے کی تصویر وائرل ہو گئی تھی۔

تصویر میں اس لک میں مصطفیٰ عباسی حد خوبصورت لگ رہے تھے۔

گزشتہ دنوں سوشل میڈیا پر تیزی سے وائرل ہونے والی مصطفیٰ عباسی کی ویڈیو کو مداحوں کی جانب سے بہت پسند کیا گیا تھا۔

اس ویڈیو میں حمزہ علی عباسی اور نیمل خاور کے بیٹے مصطفیٰ عباسی کو چلتے ہوئے دیکھا گیا تھا۔

واضح رہے کہ سابق اداکارہ نیمل خاور اپنے بیٹے کی نت نئی چیزوں کے حوالے سے ویڈیوز اور تصاویر شیئر کرتی رہتی ہیں جسے مداح بہت پسند کرتے ہیں۔

اداکار حمزہ علی عباسی اور نیمل خاور 25 اگست 2019 کو رشتہ ازدواج میں منسلک ہوئے تھے، حمزہ اور نیمل کے ہاں گزشتہ برس 30 جولائی کو بیٹے کی پیدائش ہوئی تھی۔