پاکستان کے عالمی شہرت یافتہ گلوکار عاطف اسلم نے پی ایس ایل 7 کے اینتھم کی کامیابی پر اپنے مداحوں کا شکریہ ادا کیا ہے۔

گلوکار عاطف اسلم نے اپنے انسٹاگرام اکاؤنٹ پر پی ایس ایل کے گانے کے لئے  ایک پوسٹ جاری کی ہے۔

اس پوسٹ میں عاطف اسلم نے اپنے مداحوں کی جانب سے ملنے والے پیار اور عزت کا شریہ ادا کیا ہے ۔

گلوکار عاطف اسلم نے اپنے پوسٹ میں پی ایس ایل 7  کے لئے گائے جانے والے گانے کی کامیابی کے متعلق بات کی ہے۔

خیال رہے کہ اس سال پاکستان پریمیئر لیگ سیزن 7 کے لئے آفیشل سانگ گلوکار عاطف اسلم اور پاکستانی گلوکارہ آئمہ بیگ نے گایا ہے جو کہ 2 روز قبل ریلیز کیا گیا ہے۔

عاطف اسلم اور آئمہ بیگ کی آواز میں گائے جانے والے گانے ’ٓآگے دیکھ‘ کو شائقین کی جانب سے بہت پسند کیا جارہا ہے جبکہ کچھ کا خیال ہے کہ یہ گانا بہتر انداز سے بھی پیش جاسکتا تھا۔