گزشتہ روز رشتہ ازدواج میں منسلک ہونے والی معروف جوڑی اداکارہ صبور علی کی اپنے شوہر علی انصاری کے ساتھ ڈانس ویڈیو سوشل میڈیا پر وائرل ہو گئی ہے۔

سوشل میڈیا پر معروف جوڑی کی شیندی کی تقریب سے لی گئی تصاویر اور ویڈیوز  وائرل ہو گئی ہیں۔

اپنی ہی تقریب میں اس خوبصورت جوڑی کو ڈانس کرتے ہوئے دیکھا جاسکتا ہے۔

ویڈیو میں اداکارہ صبور علی اور علی انصاری بھارتی گانے پر ڈانس کر رہے ہیں۔

ان دونوں اداکاروں کے مداحوں کی جانب سے وائرل تصاویر اور ویڈیوز کو بہت پسند کیا جارہا ہے اور تعریفوں کا سلسلہ بھی جاری ہے۔

 اداکارہ صبور اور علی انصاری کی سوشل میڈیا انسٹاگرام کے مختلف پیجز پر شیندی کی تقریب سے لی گئی تصاویر اور ویڈیوز وائرل ہوگئی ہیں۔

اس تقریب میں پاکستان شوبز انڈسٹری کی معروف شخصیات اداکارہ ایمن خان اور منشا پاشا سمیت دیگر فنکاروں نے بھی شرکت کی ہے۔

تقریب میں مختلف شخصیات کو ڈانس کرتے ہوئے دیکھا جاسکتا ہے۔

واضح رہے کہ گزشتہ روز علی انصاری اور اداکارہ صبور علی رشتہ ازدواج میں منسلک ہو گئے تھے۔

اس سے قبل سوشل میڈیا پر علی انصاری اور اداکارہ صبور کے نکاح کی تقریب کی ویڈیوز وائرل ہو گئی تھیں۔

وائرل ویڈیوز میں صبور علی اپنی بہن اور بھائی کے ساتھ آئی تھیں۔

ایک ویڈیو میں اداکارہ جذباتی ہو گئی تھیں جس پر علی انصاری نے انہیں بوسہ دیا ۔

اس تقریب میں پاکستان شوبز انڈسٹری کی معروف شخصیات اداکارہ عروہ حسین ، کنزہ ہاشمی ،ایمن خان اور زارا نور عباس سمیت دیگر نے بھی شرکت کی تھی۔

اس سے قبل اداکارہ صبور اور اداکار علی کی مایوں کی ویڈیوز اور تصاویر تیزی سے سوشل میڈیا پر وائرل ہوگئی تھیں۔

 اداکارہ صبور اور علی کی ڈھولکی کی ویڈیو بھی سوشل میڈیا پر وائرل ہوئی تھی۔

 گزشتہ برس صبور علی اور علی انصاری کا رشتہ طے ہوا تھا جس کے بعد ان کی منگنی بھی ہوئی تھی۔

واضح رہے کہ اس حوالے سے دونوں نے اپنے انسٹاگرام اکاؤنٹ کے ذریعے پوسٹ جاری کرتے ہوئے  بھی اپنے مداحوں کو آگاہ کیا تھا۔