بالی ووڈ کے نامور گلوکار میکا سنگھ نے ’دی کپل شرما شو‘ میں سنی لیون کے گھر جانے کا شاندار تجربہ شیئر کیا۔ 

بالی ووڈ گلوکار میکا سنگھ اور اداکارہ سنی لیون  نے بھارت کے سب سے مقبول ترین کامیڈی شو ’دی کپل شرما شو‘ میں شرکت کی۔ ان کے ہمراہ گلوکار شارب صابری اور توشی صابری بھی موجود تھے۔

پروگرام کے آغاز میں ہی میزبان کپل شرما نے سنی لیون کے ساتھ فلرٹ کرنے کی کوشش کرتے ہوئے کہ آپ سے بہت دن بعد ملاقات ہوئی جس پر سنی لیون نے جواب دیا آپ مجھے بلاتے ہی نہیں۔

جواب میں کپل شرما نے کہا کہ آپ کے نمبر کے انتظار میں تو میں نے شادی کرلی جب کہ انہوں نے میگا سنگھ کو مخاطب کرتے ہوئے کہا کہ پہلی بار ان کو بڑے بھائی دلیر مہدی کے ساتھ دیکھا لیکن اس کے بعد ان کے ساتھ کبھی نہیں دیکھا، یہ ہمیشہ لڑکیوں کے ساتھ ہی دکھائی دیے۔

بعد ازاں پروگرام میں گلوکار میکا سنگھ نے اپنی ذاتی زندگی کا تجربہ شیئر کرتے ہوئے کہا ’’ مجھے سنی لیون کے ساتھ ورلڈ ٹور کرنے میں بہت مزہ آیا ، یہ ہمیشہ وقت پر پہنچ جایا کرتی تھیں اور ان میں ذرہ بھی نخرہ نہیں۔ جس پر سنی نے جواب دیا اس انڈسٹری میں صرف میں ہی پاگل ہوں جو ہر جگہ وقت پر پہنچ جاتی ہوں‘‘ ۔

گلوکار نے کہا کہ ایک بار مجھے امریکا میں سنی لیون کے گھر جانے کا موقع ملا تو میں نے ان کو فون پر بتایا کہ میں رات 11 تک ان کے گھر پہنچ جاؤں گا لیکن مجھے جانے میں تاخیر ہوگئی اور صبح کے 4 بج گئے۔

میکا سنگھ نے مزید بتایا کہ جب میں ان کے گھر پہنچا تو سنی لیون اور ان کا شوہر میرا انتظار کررہے تھے، اور اتنی تاخیر سے پہنچنے کے باوجود میری خاطر مدارت میں کوئی کسر نہ چھوڑی، میرے لیے پیزا اور کافی بنائی جو بہت زبردست تھیں۔