بالی ووڈ کی ابھرتی ہوئی اداکارہ جہانوی کپور نے اپنی بہن اور خود میں کورونا کی تشخیص کے بعد خود کو قرنطینہ کرلیا ہے۔

رپورٹس کے مطابق اداکارہ سمیت ان کی چھوٹی بہن خوشی کپور کو  3 جنوری کو کورونا کی تشخیص ہوئی ہے جس کے بعد جہانوی اور ان کے والد بونی کپور نے احتیاط کے طور پر خود کو گھر میں ہی قرنطینہ کرلیا ہے۔

اس سے متعلق اداکارہ نے گزشتہ روز ایک پوسٹ بھی جاری کی تھی جس میں انہیں اپنی بہن کے ساتھ دیکھا گیا تھا ۔

ان تصاویر کو شیئر کرتے ہوئے اداکارہ نے لکھا ہے کہ ’گزرا ہوا وقت دوبارو سے آگیا ہے‘۔

خیال رہے کہ اس سے قبل جہانوی کپور کے کزن ارجن کپور، انشلا کپور اور ریا کپور بھی کورونا  وائرس کا شکار ہوئے تھے تاہم اب ان کا ٹیسٹ منفی آچکا ہے ۔

واضح رہے کہ اداکارہ جہانوی کپور بالی ووڈ انڈسٹری کی ابھرتی ہوئی اداکارہ ہیں جو کہ اس سال 2 نئے اور بڑے پراجیکٹس میں نظر آئیں گی۔