ہالی ووڈ اداکار ، سابق ویٹ لفٹر، سیاستدان، سماجی کارکن اور فلم ساز آرنلڈ شوارزنیگر کی شادی کے 35 برس بعد اہلیہ سے طلاق ہوگئی۔

اس جوڑے نے مؤقف اختیار کیا تھا کہ دونوں کے درمیان ایسے اختلافات پیدا ہوچکے ہیں جو حل نہیں ہوسکتے۔

تاہم طلاق کا یہ کیس لاس اینجلس کی عدالت میں 10 سال تک چلتا رہا جس کے بعد طلاق کو سرکاری درجہ دیا گیا اور طلاق میں 10 سال لگنے کی وجہ مالی اثاثہ جات کی تقسیم تھی۔

واضح رہے کہ آرنلڈ شوارزنیگر ہالی ووڈ کا بڑا نام ہے جنہوں نے کئی بلاک بسٹر فلموں میں کام کیا ہے اور وہ امریکی ریاست کیلیفورنیا کے گورنر بھی رہے ہیں۔

 آرنلڈ شیوار زنگر نے 1986 میں سابق صدر جان ایف کینیڈی کی بھانجی ماریہ شریور سے شادی کی تھی اور اس جوڑے کے چار بچے ہیں ۔

ماریہ نے 2011 میں طلاق کے لئے درخواست دی تھی تاہم  10 سال کی طویل علیحدگی کے بعد طلاق ہوگئی ہے۔