پاکستان کے معروف گلوکار فلک شبیر نے بیٹی عالیانہ کی خوبصورت تصاویر مداحوں کے ساتھ شئیر کردیں۔

فلک شبیر نے فوٹو اینڈ ویڈیو شئیرنگ ایپ انسٹاگرام پر چند تصاویر پوسٹ کی ہیں۔

شئیر کی گئی تصاویر میں دیکھا جاسکتا ہے کہ فلک شبیر اپنی بیٹی عالیانہ کے ساتھ کھیل رہے ہیں اور عالیانہ بھی اپنے بابا کے ساتھ انجوائے کر رہی ہے۔

اس تصویر کو شئیر کرتے ہوئے انہوں نے لکھا میری پیاری بیٹی عالیانہ،ماشاللہ۔

گلوکار کی اس پوسٹ پر ان کے مداحوں کی جانب سے عالیانہ اور ان کی فیملی کو دعائیں دی جارہی ہیں۔

گزشتہ دنوں سارہ خان نے اپنے شوہر اور فلک شبیر کو خوبصورت انداز میں سالگرہ کی مبارکباد دی تھی۔

سارہ خان نے فوٹو اینڈ ویڈیو شئیرنگ ایپ انسٹا گرام پر فلک شبیر کے ساتھ اپنی شادی سے لی گئی ایک تصویر شیئر کی تھی۔

شئیر کی گئی تصویر میں دونوں اداکار بے حد خوبصورت لگ رہے تھے۔

سارہ خان نے اس تصویر کو شئیر کرتے ہوئے کیپشن میں لکھا تھا کہ سالگر ہ مبارک ہو میرے فلک۔

اداکارہ نے لکھا تھا کہ اگر وہ اللّٰہ کا سب نعمتوں کے لئے شکر ادا کریں تو وہ سب سے زیادہ  فلک شبیر جیسا شوہر ملنے پر اللّٰہ کی شکر گزار ہوں گی۔

اس سے قبل فلک شبیر کی بیٹی کے ہمراہ ویڈیو سوشل میڈیا پر وائرل ہو گئی تھی۔

سارہ خان کی جانب سے انسٹاگرام پر پوسٹ کی جانے والی ویڈیو میں گلوکار فلک اپنی بیٹی علیانہ کو گود میں لئے ہوئے تھے۔

اس ویڈیو کو دونوں اداکاروں کے مداحوں کی جانب سے بہت پسند کیا گیا تھا۔

واضح رہے کہ گزشتہ سال والدین کا درجہ حاصل کرنے والی شوبز کی معروف جوڑی اداکارہ سارہ خان اور گلوکار فلک شبیر کے ہاں 8 اکتوبر کو بیٹی کی پیدائش ہوئی ہے جس کا نام انہوں نے عالیانہ فلک رکھا ہے۔

اداکارہ سارہ خان مداحوں کے ساتھ اپنی خوبصورت تصاویر شیئر کرتی رہتی ہیں جس پر اُن کے مداحوں کی جانب سے منٹوں میں ہزاروں لائیکس اور تعریفی کمنٹس  آجاتے ہیں ۔