بھارت کی معروف اداکارہ پریانکا چوپڑا بالی وڈ انڈسٹری کی سوشل میڈیا پر سب سے زیادہ مقبولیت حاصل کرنے والی اداکارہ بن گئیں ہیں۔

اس حوالے سے جاری رپورٹس کے مطابق اداکارہ پریانکا چوپڑا کی شہرت اور مقبولیت میں اضافہ ریکارڈ کیا گیا ہے جس نے انڈسٹری کی دیگر نامور شخصیات کو پیچھے چھوڑ دیا ہے۔

اداکارہ پریانکا چوپڑا کے انسٹاگرام پر فالووز کی تعداد 72.4 ملین ہوگئی ہے جو کہ اب تک کسی بھی بالی وڈ کے اداکار کی نہیں رہی ہے۔

خیال رہے کہ گزشتہ سال اداکارہ نے انسٹاگرام پر اپنا نام تبدیل کرتے ہوئے نک جونس کا نام ہٹادیا تھا جس کے بعد ان کی طلاق کے متعلق افواہیں گردش کرنے لگی تھیں۔

بعدازاں اداکارہ نے اس معاملے کی وضاحت پیش کرتے ہوئے بتایا تھا کہ وہ چاہتی ہیں تمام سوشل سائٹس پر ان کا نام ایک جیسا ہی رہے اسی لئے نک جونس کا نام ہٹایا  تھا۔

دوسری جانب  سال 2021 میں نک جونس اور پریانکا کی شادی کو 3  سال کا عرصہ مکمل ہوا تھا جسے انہوں نے بھرپور انداز میں منایا تھا۔

اسکے علاوہ گزشتہ سال اداکارہ نے نیٹ فلیکس کے ’روسٹ سیشن‘ میں اپنے شوہر اور سسرالیوں کو تنقید کا نشانہ بنایا تھا جسے مداحوں کی جانب سے بہت پسند بھی کیا گیا تھا۔